हामी सबैकाे संसारन्यूज

१३ वैशाख, काठमाडौँ । त्रिभुवन विश्‍वविद्यालयले पुर्वनिर्धारित सबै परीक्षाहरु स्थगित गरेको छ । त्रि. वि केन्द्रिय परिक्षा संचालक समितिको सोमबार बसेको बैठकले अर्को सुचना प्रकाशित नगरेसम्मको लागि त्रि.वि द्वारा वार्षिक र सेमेष्टरका सम्पूर्ण परिक्षा स्थगनको निर्णय गरेको हो ।

त्रिवि  परिक्षा संचालक समितिले एक विज्ञप्ति जारी गरि सबै परीक्षा स्थगन गरेको जानकारी दिएको छ । जारी विज्ञप्तिमा बढ्दो कोरोना संक्रमणका कारण सरकारले निषेधाज्ञा जारी गरेकोले परिक्षा स्थगन गर्न परेको जनाइएको छ ।

विज्ञप्तिमा भनिएको छ, ‘ कोभिड १९को दोस्रो लहरको प्रकोपका कारण देशका विभिन्‍न स्थानहरुमा लकडाउन तथा निषेधाज्ञाका कारण हाल सञ्‍चालित तथा सञ्‍चालनको प्रक्रियामा रहेका सम्‍पूर्ण परीक्षाहरु यथास्थितिमा सञ्‍चालन गर्न नसकिने परिस्थिति सृजना भएकाले आज मिति २०७८र१र१३ गते बसेको त्रि।वि। केन्द्रीय परीक्षा सञ्‍चालक समितिको बैकठको निर्णय अनुसार पूर्व निर्धारित भए अनुसारको त्रिभुवन विश्‍वविद्यालयद्वारा सञ्‍चालित वार्षिक तथा सेमेष्टर प्रणालीका सम्पूर्ण परीक्षाहरु २०७८/०१/१४ देखि अर्को सूचना प्रकाशित नभएसम्‍मका लागि स्थगित गरिएको व्‍यहोरा सम्बन्धित सबैको लागि जानकारीका लागि यो सूचना प्रकाशित गरिएको छ । ’