Sansar News
१४ बैशाख, कास्की । कास्कीमा एकसाताका लागि निशेधाज्ञा जारी गर्ने बताइएको छ ।
जिल्ला प्रशासन कार्यालय कास्कीको सोमबार बसेको जिल्ला कोभिड १९ संकट व्यवस्थापन केन्द्रको बैठकले बुधबारदेखि लागू हुनेगरी एकसाताका लागि निशेधाज्ञा जारी गर्ने निर्णय गरेको हो ।
जिल्ला प्रशासन कार्यालय बैशाख १५ गते बिहान ६ बजेदखि २१ गते रातिसम्म निशेधाज्ञा जारी गर्ने निर्णय गर्दै अत्यावस्यक काम बाहेक बाहिर हिँडडुल नगर्न सर्वसाधारणमा अनुरोध गरेको छ ।
छिमेकी मुलक भारतमा तिब्र रुपमा कोरोना संक्रमण बढ्दै गएको अवस्थामा त्यसले नेपालमा पनि असर पारेको र दैनिक मृत्यु हुने र संक्रमित हुनेको संख्या बढ्दै गएपछि त्यसको रोकथाम र नियन्त्रणका लागि विभिन्न जिल्लाले केही साताका लागि निशेधाज्ञा जारी गरेका छन् ।
वि.सं.२०७८ वैशाख १४ मंगलवार ०९:४२ मा प्रकाशित
