हामी सबैकाे संसारन्यूज

१४ वैशाख, काठमाडौँ । २०२१ को आईपिएलमा कोलकत्ता नाईट राइडर्सले दोस्रो जित हासिल गरेको छ । हिजो अहमदाबादमा भएको खेलमा कोलकत्ताले पंजाबलाई ५ विकेटले पराजित गरेको हो ।

टस हारेर पहिले ब्याटिङ्ग गरेको पंजाबले २० ओभरमा ९ विकेट गुमाएर १२३ रन बनाएको थियो । पंजाबका लागि ब्याटिङ्गमा मयंक अग्रवालले सर्वाधिक ३१ रन बनाएका थिए भने कोलकत्ताका लागि बलिङ्गमा प्रसिद्ध कृष्णाले सर्वाधिक ३ विकेट लिएका थिए ।

पंजाबले दिएको १२६ रनको सामान्य लक्ष्य कोलकत्ताले १६.४ ओभरमा विकेट गुमाएर पुरा गर्यो । कोलकत्ताका कप्तान इयोन र्मोगनले सर्वाधिक ४७ रनको पारी खेलेका थिए । पंजाबका लागि बलिङ्गमा मोइसेस हेनरिक्स, मोहम्मद शमी, अर्शदिप सिंह र दिपक हुड्डाले समान १/१ विकेट लिएको थिए ।

जितसँगै कोलकत्ता ६ खेलबाट ४ अकं जोड्दैँ अकं तालिकाको पाँचौ स्थानमा उक्लिएको छ भने पंजाब किंग्स छैठौँ स्थानमा झरेको छ । अंक तालिकाको शिर्ष स्थानमा ८ अकं सहित चेन्नाई सुपर किंग्स रहेको छ ।