हामी सबैकाे संसारन्यूज

१४ बैशाख, काठमाडौं । स्वास्थ्य तथा जनसंख्या मन्त्रालयले पिसीआर नमुना परीक्षणका क्रममा तोकिए भन्दा बढी शुल्क लिने प्रयोगशालाहरुलाई कारबाही गर्ने चेतावनी दिएको छ ।

मन्त्रालयले सरकारी प्रयोगशालामा १ हजार र निजी प्रयोगशालामा २ हजार शुल्क तोकिएपनि केही प्रयोगशालाले संक्रमण रोकथाम लगायतका नाममा बढी शुल्क लिइरहेको गुनासो आएकाले तोकिए भन्दा बढी शुल्क लिने प्रयोगशालालाई कारबाही गर्ने चेतावनी दिइएको हो छ ।

‘कुनैपनि बहानामा थप शुल्क नलिन स्वास्थ्य तथाजनसंख्या मन्त्रालय सम्बन्धीत सबैमा पुनःजानकारी गराउँदछ,’ मन्त्रालयद्धारा जारी विज्ञप्तिमा भनिएको छ, ‘ यदि लिइएको पाइएमा राष्ट्रिय जनस्वास्थ्य प्रयोगशाला मार्फत् त्यस्ता प्रयोगशालाहरुलाई नेपाल सरकार प्रमुख विशेषज्ञ स्तरीय मिति २०७७÷०१÷१३ को निर्णय अनुसार परीक्षणको सूचीबाट हटाइने व्यहोरा जानकारी गराइन्छ ।