हामी सबैकाे संसारन्यूज

१४ बैशाख, काठमाडौं । जिल्ला प्रहरी कार्यालय कैलालीको हिरासतका २० जना थुनुवामा कोरोना संक्रमण पुष्टि भएको छ। ६२ जना थुनुवामा गरेको पिसिआर परिक्षणमा २० जनामा संक्रमण पुष्टि भएको हो।

कैलाली प्रहरीका नायव उपरीक्षक भरत चौधरीका अनुसार थुनुवामा कोरोना संक्रमण देखिएसँगै कार्यलय प्रबेशमा कडाई गरिएको छ । प्राय सदै भिडभाड हुने कार्यलयमा हाल एकजनालाई मात्र प्रबेश गर्न दिने गरिएको छ ।

थुनुवामा संक्रमण पुष्टि भएसँगै हिरासतमा रहेका अन्य थुनुवाहरू र कार्यलयमा कार्यरत अन्य प्रहरी कर्मचारीको पनि पीसीआर टेष्टगर्ने तयारी भएको चौधरीले बताए। हाल नेपालमा कोरोनाको दोस्रो लहरको संक्रमण बढ्दै गएकाले काठमाडौं उपत्यका लगाएत भिडभाड बढि हुने क्षेत्रमा निषेधाज्ञा लगाउ थालिएको छ ।

सरकारले पहाडी र हिमाली भेगमा २०० र उपत्यका र तराईमा ५०० संक्रमण पुष्टि भएमा स्थानिय प्रशासनले कम्तीमा १५ दिन निषेधाज्ञा लगाउन सक्ने अधिकार दिएको छ ।