हामी सबैकाे संसारन्यूज

वैशाख १४, काठमाडौं । कोरोना संक्रमित पूर्वराजा ज्ञानेन्द्र वीरविक्रम शाह र पूर्वरानी कोमल राज्यलक्ष्मी शाहलाई उपचारलाई अक्सिजनको सपोर्ट आवश्यक परेको छ । नर्भिक इन्टरनेशनल अस्पतालका अनुसार दुवै जनालाई श्वासप्रश्वासमा समस्या देखिएसँगै अक्सिजनको सर्पोटमा उपचार गरिएको हो ।

अस्पतालले श्वासप्रश्वासको समस्या जटिल नबनोस् भन्ने हेतुले अक्सिजनको सपोर्टमा उपचार जारी राखिएको जनाएको छ । अस्पतालले जारी गरेको विज्ञप्तीअनुसार उनीहरुसँगै अस्पताल भर्ना भएकी पूर्व अधिराजकुमारी प्रेरणा शाहलाई भने अक्सिजनको सपोर्ट दिनु परेको छैन ।

अस्पतालले जनाएअनुसार उपचाररत तीनै जनाको अवस्था भने सामान्य र स्थिर छ ।

भारतको हरिद्धारमा आयोजित कुम्भ मेलामा सहभागी भएर वैशाख ५ मा नेपाल फर्किएका शाह दम्पत्तीमा कोरोना संक्रमण देखिएको थियो । कोरोना संक्रमण देखिएको केहि दिनसम्म घरमै आइसोलेसनमा रहेका उनीहरु गत वैशाख १० मा अस्पताल भर्ना भएका थिए ।