हामी सबैकाे संसारन्यूज

२९ वैशाख, काठमाडौँ । न्यूजिल्याण्ड क्रिकेट टिमका विकेटकीपर ब्याट्सम्यान बिजे वाटलिङले सन्यासको घोषणा गरेका छन ।

उनले भारत विरुद्धको टेष्ट च्याम्पियनशिपको फाइनल खेले पछि सबै खाले क्रिकेटबाट संन्यास लिने घोषणा गरेका छन । भारत न्यूजिल्याण्डबीचको च्याम्पियनशिप फाइनल १८ जूनमा हुँदैछ । सो फाइनल म्याच खेलेपछि उनले क्रिकेटबाट बिदा लिनेछन् ।

वाटलिङले हालसम्म न्यूजिल्याण्डका लागि ७३ टेष्टमा १९ अर्धशतक र आठ शतकसहित ३ हजार ७७३ रन बनाएका छन् । उनी न्यूजिल्याण्डका लागि टेष्टमा दोहोरो शतक बनाउने पहिलो विकटकीपर समेत हुन् । त्यसैगरी उनले न्यूजिल्याण्डका लागि २८ एकदिवसीय र ५ टि-२० खेल खेलेका छन जसमा उनले ६११ रन बनाएका छन ।