हामी सबैकाे संसारन्यूज

जेठ ११, काठमाडौं । काठमाडौं उपत्यकामा लगाइएको निषेधाज्ञा जेठ २० गतेसम्म लम्ब्याउने निर्णय भएको छ । उपत्यकाका ३ वटै जिल्लाका प्रमुख जिल्ला अधिकारीको बैठकले जारी निषेधाज्ञा एक साता लम्बाउने निर्णय गरेको हो ।

कोरोना महामारी बढ्दै गएपछि काठमाडौं उपत्यकामा गत वैशाख १६ देखि निषेधाज्ञा लगाइएको थियो । १६ देखि घोषणा गरिएको निषेधाज्ञा जेठ १३ मा सकिँदैछ ।

बैठकले निषेधाज्ञालाई थप कडाई पनि बनाउने निर्णय गरेको छ । बताइएअनुसार अब किनारा पसल र डिपार्टमेन्टल स्टोर पनि बन्द गर्ने निर्णय गरिएको छ । अब तरकारी तथा फलफुलको पसल बिहान ९ बजेसम्म मात्रै खोल्न पाईनेछ ।