Sansar News
जेठ १४, काठमाडौं । प्रधानमन्त्री केपी शर्मा ओलीले सरकारले निष्पक्ष रुपमै निर्वाचन सम्पन्न गर्ने दाबी गरेका छन् । शुक्रबार राष्ट्रका नाममा सम्बोधन गर्दै उनले सरकारले तोकिएको समयमै स्वच्छ र निष्पक्ष रुपमै निर्वाचन गर्ने बताए ।
उनले निर्वाचनप्रति निष्पक्षताको आशंका भए सरकारमा सहभागी हुन दलहरुलाई प्रस्ताव गरे ।
‘निर्वाचन निष्षक्ष र स्वच्छ हुने कुरामा मैले बारम्बार जोड दिएको छु, परिणामलाई ध्यानमा राखेर होइन, लोकतान्त्रिक प्रणाली र पद्धतिलाई ध्यानमा राखेर निर्वाचन सम्पन्न गरिनेछ’ उनले भने, ‘कुनै आशंका छन् भने फेरि भन्न चाहन्छु, आउनुस्, निर्वाचनका लागि सबै दलहरु सरकारमा सहभागी बन्नुहोस् ।’
उनले निर्वाचनमा जानुलाई प्रतिगमन हो भन्ने भनाईले जनताको अपमान गरेको उनको भनाई छ । उनले निर्वाचनमार्फत जनताको विश्वास जित्नु नै लोकतन्त्र भएको बताए ।
वि.सं.२०७८ जेठ १४ शुक्रवार १७:०५ मा प्रकाशित
