हामी सबैकाे संसारन्यूज

१५ जेठ, काठमाडौं । पछिल्लो २४ घण्टामा ४४८७ जना नयाँ संक्रमित थपिएका छन् । पछिल्लो २४ घण्टामा गरिएको १४००६ पिसीआर र ७४६ ऐन्टिजेन गरी १४७५२ नमुना परीक्षणमा ४४८७ जना संक्रमित थपिएका हुन् ।

आज थपिएका ४४८७ जनासँगै नेपालमा हालसम्म संक्रमित हुनेको संख्या ५ लाख ५३ हजार ४४२ पुगेको छ ।

पछिल्लो २४ घण्टामा देशैभरी ६०८० जना कोरोना संक्रमणबाट मुक्त भएका छन् । आज निको भएका ६०८० जनासँगैै नेपालमा कोरोना संक्रमणबाट मुक्त हुनेको संख्या ४ लाख ३४ हजार ७५० पुगेको छ । मन्त्रालयका अनुसार निको हुनेको यो दर ७८.६ प्रतिशत हो ।

त्यसैगरी पछिल्लो २४ घण्टामा ११६ जना कोरोना संक्रमितको मृत्यु भएको छ । आज मृत्यु भएका ११६ जनासँगै नेपालमा हालसम्म ज्यान गुमाउनेको संख्या ७१६३ पुगेको छ ।

त्यसैगरी हाल देशैभरी १ लाख ११ हजार ५०९ जना सक्रिय सक्रमित रहेका छन् । ती मध्ये देशैभरीका संस्थागत आइसोलेशनमा ७८०९ जना र होम आइसोलेशनमा १ लाख ३ हजार ७०० जना रहेका छन् ।

मन्त्रालयका अनुसार हाल देशैभरीका विभिन्न अस्पतालका आइसीयुमा १६१४ जना र भेन्टिलेटरमा ४५७ जना उपचाररत छन् । साथै क्वारेन्टिनमा रहनेको संख्या ८०९ रहेको छ ।

त्यसैगरी हालसम्म पिसीआर प्रविधिबाट ३० लाख ३१ हजार ३८३ वटा नमुना परीक्षण गरिएको छ । नेपालमा हालसम्म कोरोना भाइरस विरुद्धको पहिलो मात्रा खोप लगाउनेको संख्या २१ लाख १३ हजार ८० रहेको छ भने दोस्रो मात्रा लगाउनेको संख्या ६ लाख ५४ हजार ८५१ जनाले लगाएको मन्त्रालयको तथ्यांक रहेको छ ।

एकैदिन ९८४१ जना कोरोना संक्रमणबाट मुक्त, ९६ जनाको मृत्यु