हामी सबैकाे संसारन्यूज

जेठ १७, काठमाडौं । जनता समाजवादी पार्टी (जसपा)का नेता डा. बाबुराम भट्टराईले झगडा नगरी आ–आफ्नो बाटो लाग्न नेताहरुलाई आग्रह गरेका छन् । कानूनी र प्राविधिक रुपमा एउटै रहेको तर राजनीतिक रुपमा विभाजित बनेको जसपामा मिलेरै बाटो समाउन भट्टराईले आग्रह गरेका हुन् ।

उनले मान्छे तानातान र किनबेचको तमासा नगर्न पनि अनुरोध गरेका छन् । उनका अनुसार पछिल्लो राजनीतिक संकटले राजनीतिक ध्रुवीकरण खोजेको छ, जहाँ भेडा भेडासँग र बाख्रा बाख्रासँग मिल्न जानुपर्ने उनको भनाई छ ।

अहिलेको राजनीतिक संकट पुरानो विचार,पार्टी र नेतृत्वको सामुहिक विघटनको अभिव्यक्ति हो।नयाॅ निर्माणनिम्ति पुरानो भत्कनैपर्छ।समयले नयाॅ ध्रुवीकरण खोज्दैछ।अत:मान्छे तानातान र किनबेचको तमासा नगरौं!भेडाभेडासंग र बाख्राबाख्रासंग हुन दिऊॅ!हातमिलाएर आआफ्नो बाटो लागौं!हिडिरहे फेरि भेटहुनेछ!

— Baburam Bhattarai (@brb1954) May 30, 2021

सामाजिक सञ्जालमार्फत भट्टराईले भनेका छन्, ‘अहिलेको राजनीतिक संकट पुरानो विचार, पार्टी र नेतृत्वको सामूहिक विघटनको अभिव्यक्ति हो । नयाँ निर्माणनिम्ति पुरानो भत्कनैपर्छ। समयले नयाँ ध्रुवीकरण खोज्दैछ । अत: मान्छे तानातान र किनबेचको तमासा नगरौं ! भेडाभेडासँग र बाख्राबाख्रासँग हुन दिऊॅ ! हातमिलाएर आ-आफ्नो बाटो लागौं ! हिडिरहे फेरि भेटहुनेछ !’

पछिल्लो राजनीतिक संकटमा जसपा विभाजित हुन पुगेको छ । जसपाको उपेन्द्र यादव र बाबुराम भट्टराई एकातर्फ छन् भने महन्थ ठाकुर र राजेन्द्र महतो अर्कोतिर छन् । अहिले महन्थ ठाकुर समूह सरकारमा जाने तयारीमा छ ।