हामी सबैकाे संसारन्यूज

२० जेठ, काठमाडौं । भारतमा कोरोना संक्रमितको हुनेको संख्या निरन्तर घटिरहेको छ । त्यहाँ बुधबार १ लाख ३३ हजार ९५३ जनामा कोरोना संक्रमण पुष्टि भएको छ । संक्रमित हुनेको यो संख्या मंगलबारको तुलनामा ८ सयले बढी हो ।

त्यसैगरी बुधबार २,८८७ जनाले कोरोना संक्रमणबाट ज्यान गुमाएका छन् । भारतमा मृत्यु हुनेको संख्या पनि निरन्तर घट्दै गइरहेको छ । भारतमा केही साता अघि प्रतिदिन ४ लाख भन्दा बढी संक्रमित भएको तथ्यांक सार्वजनिक भएको थियो भने मृत्यु हुनेको संख्या पनि प्रतिदिन ४ हजार नाघेको थियो ।

त्यसैगरी बुधबार २ लाख ११ हजार कोरोना संक्रमित निको भएका छन् । निको हुनेको यो संख्या पनि निरन्तर बढी रहेको छ ।

भारतमा हालसम्म कोरोनाबाट संक्रमित हुनेको संख्या २ करोड ८४ हजार पुगेको छ । सोहि अवधिमा निको हुनेको संख्या २ करोड ६३ लाख रहेका छन् भने ज्यान गुमाउनेको संख्या ३ लाख ३८ हजार पुगेको छ ।
भारतमा हाल १७ लाख ८ हजार सक्रिय संक्रमितको उपचार भइरहेको छ ।

त्यस्तै सबैभन्दा बढी प्रभावित राज्य महाराष्ट्रमा बुधबार १५ हजार १६९ जनामा संक्रमण पुष्टि भएको छ । महाराष्ट्रमा संक्रमित हुनेको संख्या निकै कम हुँदै गरइरहेको छ । त्यहाँ प्रतिदिन ६० हजार भन्दा बढी संक्रमित भएको तथ्यांक रहेको छ ।

त्यसैगरी बुधबार २९,२७० जना संक्रमण मुक्त भएका छन् भने सोहि अवधिमा ५५३ जनाको ज्यान गएको छ ।

महाराष्ट्रमा हालसम्म ५७ लाख ७६ हजार संक्रमित भएका छन् । सोहि अवधिमा ५४ लाख ६० हजार संक्रमण मुक्त भएका छन् । त्यहाँ हालसम्म ९६ हजार ७५१ जनाले ज्यान गुमाएको समाचार ऐजेन्सीले जनाएका छन् ।
हाल त्यहाँ २ लाख १६ हजार संक्रमितको उपचार भइरहेको छ ।

भारतमा कोरोना संक्रमितको संख्या घट्दै गए पनि यी पाँच राज्यमा भने १ लाख भन्दा बढी संक्रमितको उपचार भइरहेको छ । समाचार ऐजेन्सीका अनुसार कर्नाटकमा २ लाख ८८ हजार, तमिलनाडुमा २ लाख ८८ हजार, महाराष्ट्रमा २ लाख १६ हजार, केरलामा १ लाख ९२ हजार र आन्ध्र प्रदेशमा १ लाख ४३ हजार संक्रमित संक्रमितको उपचार भइरहेको छ ।