Sansar News
जेठ २४, काठमाडौं । नेकपा (एमाले)का अध्यक्ष केपी शर्मा ओलीले पार्टी एकताका लागि भन्दै अघि सारेको ६ बुँदे प्रस्तावप्रति माधवकुमार नेपाल समूह विभाजित बनेको छ । ओलीको प्रस्तावप्रति माधव नेपालसहितका केहि नेताहरुले आशंका व्यक्त गरिरहँदा योगेश भट्टराई, घनश्याम भुसालसहितको समूहले भने स्वागत गरेको छ । उनीहरु आफ्ना माग पुरा भएको भन्दै एमालेमै फर्किने तयारीमा समेत जुटेका छन् ।
सोमबार नेताहरु योगेश भट्टराई, घनश्याम भुसाल, सुरेन्द्र पाण्डे र गोकर्ण विष्टबीच छलफल पनि भएको थियो । नेता सुरेन्द्र पाण्डे निवासमा भएको छलफलमा नेताहरु एमालेमै फर्किएर असन्तुष्टीका विषयहरुमा अन्तरसंघर्ष गर्ने निष्कर्षमा पुगेका छन् ।
‘हाम्रो मागबमोजिम पार्टी अध्यक्षबाट सम्बोधन भएको छ, जुन निकै सकारात्मक छ’, छलफलमा सहभागी एक नेताले भने, ‘असहमतिका विषयलाई पार्टीभित्रै छलफल गर्नेगरि एकताको पक्षमा उभिने सहमति गरेका छौं ।’
बहुमत समूह भट्टराई र भुसाल तिर
ओलीको ६ बुँदे प्रस्तावप्रति माधव समूह विभाजित छ । प्रस्तावप्रति बहुमत समूह सकारात्मक देखिएको छ ।
प्रस्तावलाई सकारात्म भनेको भट्टराई र भुसालसहितको समूहमा माधव पक्षका झण्डै बहुमत नेताहरु सहभागी छन् ।
बताइएअनुसार घनश्याम भुसाल, योगेश भट्टराई, सुरेन्द्र पाण्डे, गोकर्ण विष्ट, नारायण खतिवडा, दीपक भट्ट, गणेश पहाडी, राजबहादुर बुढालगायतका नेताहरु एकताको पक्षमा छन् ।
के छ ओलीले राखेको ६ बुँदे प्रस्तावमा ?
वि.सं.२०७८ जेठ २४ सोमवार १३:२३ मा प्रकाशित
