Sansar News
२५ जेठ, काठमाडौं । काठमाडौंको बौद्धस्थित नयाँ बस्तिमा बोरामा पोको पारेर फ्याकिएको अवस्थामा एक व्यक्तिको शब फेला परेको छ ।महानगरिय प्रहरी परिसर काठमाडौंका एसएसपी अशोक सिंहले आफूहरु शब कस्को र कस्ले यसरी राख्यो भन्ने अनुसन्धान गरिरहेको बताए ।
‘घटनास्थलमा एउटा खुट्टाको तलको भाग र घुँडाको पार्ट मात्र भेटिएको छ । कुनै ठाउँमा घटना घटाएर जलाएर यहाँ फालिएको देखिन्छ प्रारम्भिक अनुसन्धानमा । हामीले यसबारेमा थप अनुसन्धान गरिरहेका छौं ।’ एसएसपी सिंहले भने ।
अनुसन्धानका क्रममा शबको अन्य पार्ट नभएकोले कतै घटना घटाएर शरीरका केही भाग त्यहाँ ल्याएर छोडिएको पाइएको र शब तीन साता पुरानो जस्तो देखिएको पनि प्रहरीले बताएको छ ।
प्रहरीले ३–४ हप्ता देखि हराएका मानिसहरुको लिस्ट पनि खोजेर थप अनुसन्धान गर्ने तथा शबको परीक्षणपछि थप अनुसन्धान गर्न सहज हुने पनि बताएको छ ।
वि.सं.२०७८ जेठ २५ मंगलवार ०९:५२ मा प्रकाशित
