Sansar News
२७ जेठ, काठमाडौं । नवनियुक्त स्वास्थ्य मन्त्री शेरबहादुर तामाङले सम्पत्ति विवरण सार्वजनिक गरेका छन् ।
मन्त्री तामाङले सार्वजनिक गरेको विवरण अनुसार उनी र उनका श्रीमती उषाकला राईको नाममा काठमाडौँ सहित देशका विभिन्न ठाउँमा गरी १४ स्थानमा जग्गाजमिन छन् ।
यसअघि कानुनमन्त्री हुँदा सार्वजनिक गरेको सम्पत्ति विवरणमा कानुनमन्त्री तामाङसँग ३० तोला सुन, ७० लाख ऋण र चार जिल्लामा जग्गा भएको देखाएका थिए । काठमाडौंको गोकर्णेश्वरीमा साढे ३ आनामा बनेको एक तले घर, ३० तोला सुन, सिन्धुपाल्चोकमा केही जग्गा र श्रीमती उषाकला राईको नाममा मोरङमा भएका जग्गाहरुको विवरण सार्वजनिक गरेका थिए ।
अहिले सार्वजनिक गरेको सम्पत्ति विवरणमा सुन २२ तोला मात्र देखाएका छन् भने ऋण ७० लाखबाट घटेर ३५ लाखमात्र रहेको उल्लेख गरेका छन् ।
यसैगरी तामाङको नाममा एउटा मोटरसाइकल र उषाकला राईको नाममा एउटा कार रहेको उल्लेख छ । यसैगरी, मन्त्री तामाङले आफूसँग ३ वटा मोबाइल र २ वटा ल्यापटप भएको खुलाएका छन् । त्यस्तै विभिन्न बैंक तथा वित्तिय संस्थाको खातामा ३ लाख २७ हजार ३५० रहेको र विभिन्न कम्पनीमा शेयर २० लाख रुपैयाँको देखाएका छन् ।
यस्तो छ स्वास्थ्य मन्त्री तामाङको सम्पत्ति विवरण :
वि.सं.२०७८ जेठ २७ बिहीवार ०८:१६ मा प्रकाशित
