हामी सबैकाे संसारन्यूज

जेठ २८, काठमाडौं । दशौं राष्ट्रिय महाधिवेशन आयोजक कमिटीलाई मान्यता नदिने सर्वोच्च अदालतको फैसलाविरुद्व नेकपा (एमाले)को केपी शर्मा ओली पक्ष पुनरावलोकनमा जाने भएको छ ।

ओली पक्षीय नेता सुवास नेम्वाङले आदेशविरुद्व आफुँहरु पुनरावलोकनमा जाने तयारीमा रहेको बताएका छन् । सञ्चारमाध्यमसँगको प्रतिक्रियामा उनले अदालतको आदेश अनपेक्षित भएको बताए ।

बिहिबार सर्वोच्च अदालतले कर्णाली प्रदेशसभामा फ्लोर क्रस गरेका चार सांसदलाई निष्कासन गर्ने ओली पक्षको निर्णयलाई बदर गरिदिएको थियो । अदालतले ओली पक्षले एकल रुपमा गठन गरेको दशौं महाधिवेशन आयोजक कमिटीलाई वैधानिक नभएको ठहर गरेको थियो ।

गत ०७५ फागुन २३ मा सर्वोच्च अदालतको फैसलासँगै ब्यूँतिएको एमालेमा ओलीले एक पक्षीय रुपमा साबिक संरचनालाई भंग गर्दै महाधिवेशन आयोजक कमिटी गठन गरेका थिए । पूर्वमाओवादी समूहका नेताहरुलाई समेत समेटेर गठन गरिएको उक्त कमिटीप्रति एमालेको माधव कुमार नेपाल पक्ष निरन्तर विरोधमा थियो ।