३१ जेठ, काठमाडौँ । कोपा अमेरिका फुटबल प्रतियोगितामा आयोजक ब्राजिलले विजयी सुरूवात गरेको छ ।
सोमबार विहान सम्पन्न खेलमा घरेलु टिम ब्राजिलले भेनेजुएलालाई ३-० गोलले पराजित गर्दै विजयी सुरुवात गरेको हो ।
खेलको २३ मिनेटमा मार्किन्हसको गोलबाट ब्राजिलले अग्रता लिएको थियो । दोस्रो हाफको ६४ मिनेटमा नेइमारले पेनाल्टीमार्फत गर्दै ब्राजिलको अग्रता दोब्बर पार्यो । ब्राजिलका लागि तेस्रो गोल गाब्रियल बार्बोसाले गरेका थिए ।
वि.सं.२०७८ जेठ ३१ सोमवार ०८:३१ मा प्रकाशित



























