हामी सबैकाे संसारन्यूज

३१ जेठ, काठमाडौं । वागमती प्रदेशमा थप १० जनाको कोरोना संक्रमणबाट मृत्यु भएको छ ।

प्रदेशको सामाजिक विकास मन्त्रालयका अनुसार आइतबार काठमाडौंका ४८ वर्षीय पुरुष, काभ्रे पलान्चोकका ७० र ५१ वर्षीय २ पुरुष, ललितपुरका ४२ र ४१ वर्षीय २ पुरुष र ६३ वर्षीया महिला गरी ३ जना, मकवानपुरकी ६२ वर्षीया महिला, चितवनका ८५ वर्षीय पुरुष र रामेछापका ६५ वर्षीय पुरुष र ७२ वर्षीया महिला गरी १० जनाको मृत्यु भएको हो ।

पछिल्ला केही दिनयता बागमती प्रदेशमा पनि कोरोना संक्रमणबाट ज्यान गुमाउनेको संख्या निरन्तर घट्दै गइरहेको छ । आइतबार उपत्यकाको काठमाडौंमा १ जनाको मात्रै मृत्यु भएको मन्त्रालयको तथ्यांक रहेको छ । साथै ललितपुरमा २ जनाको मृत्यु भएको छ भने भक्तपुरमा मृत्यु हुनेको संख्या शून्य रहेको छ ।