हामी सबैकाे संसारन्यूज

कर्णाली प्रदेश सरकारले आगामी आर्थिक वर्षका लागि रु ३६ अर्ब ५४ करोड ६६ लाख ३६ हजार बजेट सार्वजनिक गरे छ । पूँजीगततर्फ रु २१ अर्ब ६५ करोड ३९ लाख १३ हजार र चालूतर्फ रु ११ अर्ब ४९ करोड २७ हजार ७० हजार बजेट विनियोजन गरिएको छ ।

त्यस्तै वित्तीय हस्तान्तरणतर्फ रु तीन अर्ब ३९ करोड ९९ लाख ५३ हजार विनियोजन गरिएको छ । आगामी आवका लागि अनुमान गरिएको खर्च व्यहोर्ने स्रोतमध्ये आन्तरिक राजस्वबाट रु ६० करोड, चालु आवको खर्च नभई बाँकी रहन जाने अनुमानि रु १२ अर्ब ९२ करोड १६ लाख ८१ हजार, संघीय सरकारबाट राजश्व बाँडफाँटवापत प्राप्त रु सात अर्ब ४४ करोड ७७ लाख बजेटमा उल्लेख गरिएको छ ।

लुम्बिनी प्रदेश : स्वास्थ्य, कृषि, रोजगारी वृद्धिमा केन्द्रित 

लुम्बिनी प्रदेशका आर्थिक मामिला तथा योजनामन्त्री वैजनाथ चौधरीेले प्रदेश सभामा ४० अर्ब ९५ करोड ९७ लाख रुपैयाँ बराबरको बजेट प्रस्तुत गरेका छन् ।

चालुतर्फ १४ अर्ब ९३ करोड ७३ लाख ४३ हजार तथा पुँजीगततर्फ २१ अर्ब १७ करोड ९९ लाख ६१ हजार रुपैयाँ विनियोजन गरिएको बजेटमा स्थानीय तह वित्तीय हस्तान्तरणका लागि ४ अर्ब ८४ करोड २३ लाख ९६ हजार रुपैयाँ विनियोजन गरिएको छ ।

बजेटले स्वास्थ्य, कृषि, रोजगारी वृद्धि र आर्थिक क्षेत्रको पुनरुत्थानलाई प्राथमिकता राखेको छ ।

बजेटको पूर्णपाठ

गण्डकी प्रदेश : स्वास्थ्य कृषि, पर्यटन र पूर्वाधारलाई प्राथमिकता 

गण्डकी प्रदेशका मुख्यमन्त्री कृष्णचन्द्र नेपाली पोखरेलले प्रदेश सभामा आगामी आर्थिक बर्ष २०७८/७९ का लागि ३० अर्ब ३ करोड ९४ लाख बराबरको बजेट प्रस्तुत गरेका छन् ।

पोखरेलले मंगलबार प्रस्तुत गरेको बजेटमा चालू तर्फ १३ अर्व ६ करोड ४७ लाख, पुँजीगत तर्फ १६ अर्व ७३ करोड ४६ लाख र वित्तिय व्यवस्थापन तर्फ २४ करोड बजेट विनियोजन गरिएको छ । बजेटमा स्वास्थ्य, कृषि, पर्यटन र पूर्वाधारलाई प्राथमिकता राखिएको छ ।

बजेटको पूर्णपाठ

बागमती प्रदेश :  कोभिड खोप निःशुल्क लगाउन २ अर्ब

बागमती प्रदेशका आर्थिक मामिला तथा योजनामन्त्री कैलाशप्रसाद ढुंगेलले आगामी आर्थिक वर्ष २०७८/७९ का लागि ५७ अर्ब ७२ करोड ९ लाख २७ हजार रुपैयाँ बराबरको बजेट प्रदेश सभामा प्रस्तुत गरेका छन् ।

पुँजीगततर्फ २९ अर्ब ७० करोड ४३ लाख ४ हजार रुपैयाँ र चालुतर्फ २६ अर्ब १ करोड ६६ लाख २३ हजार रुपैयाँ विनियोजन गरेको बजेटले कोभिड खोप निःशुल्क लगाउन २ अर्ब, कोभिड संक्रमणका कारण आमाबुवा गुमाएका बालबालिकाका लागि मासिक ३ हजार शैक्षिकभत्ता दिइने घोषणा गरेको छ ।

बजेटको पूर्णपाठ

प्रदेश नं. २ कोरोना महामारी रोकथाम

प्रदेश २ का आर्थिक मामिला तथा योजनामन्त्री विजय यादवले आगामी आर्थिक बर्ष २०७८/७९ का लागि ३३ अर्ब ७९ करोड १४ लाख ३० हजार रुपैयाँको बजेट प्रस्तुत गरेका छन् ।

यादबले चालूतर्फ १५ अर्ब ६३ करोड ३३ लाख ४७ हजार तथा पुँजीगत तर्फ १८ अर्ब ५ करोड ८० लाख ८३ हजार र वित्तीय व्यवस्थापनतर्फ १० करोड विनियोजन गरिएको जनाएका छन् ।

मंगलबार प्रदेश सभामा पेश गरेको बजेटले कोरोना महामारी रोकथामका लागि अक्सिजन सिलिण्डर, रेम्डिसिभिर, कोरोना परीक्षण गर्ने किट लगायतका स्वास्थ्य सामग्री खरिदलाई प्रथमिकतामा राखेको छ ।

बजेटको पूर्णपाठ

प्रदेश नं. १ :  स्वास्थ्य क्षेत्रको पूर्वाधार विकासमा जोड

प्रदेश एकका आर्थिक मामिला तथा योजना मन्त्री टङ्क आङबुहाङले आगामी आर्थिक वर्ष २०७८/७९ का लागी ३२ अर्ब ४६ करोड ९२ लाख रुपौयाँ बराबरको बजेट प्रस्तुत गरेका छन् ।

प्रदेशले स्वास्थ्य क्षेत्रको पूर्वाधार विकास बजेटको प्राथमिकतामा राखेको छ । मंगलबार प्रदेश सभामा प्रस्तुत बजेटमा चालु तर्फ १४ अर्ब १६ करोड १५ लाख रुपैंयाा र पूँजीगत तर्फ १५ अर्ब ५ करोड ३५ लाख रुपैंयाँ छुट्याइएको छ ।

 बजेट बिस्तृतमा