हामी सबैकाे संसारन्यूज

२ असार, काठमाडौं । केहीदिन देखि देशैभरी भित्रिएको मनसुनका कारण देशका विभिन्न क्षेत्रमा भारी वर्षा, पहिरोका साथै बाढीले मानविय तथा भौतिक क्षति गरिरहेको छ ।

जल तथा मौसम विज्ञान विभागको बाढी पूर्वानुमान महाशाखाका अनुसार आज कोशी, महाकाली र यसका सहायक नदीमा बहाव सामान्य तथा सतर्कता तलै रहनेछ भने नारायणी कर्णाली र यसका सहायक नदीमा बहाव केही बढ्ने र केही स–साना नदीमा बहाव सतर्कता तह आसपासमा पुग्ने सक्ने बताइएको छ ।

त्यस्तै आज पश्चिम राप्ति, तिनाहुँ तथा बबईका स–सना नदीहरुमा पानीको बहाब बढ्ने छ भने विहीबार पनि कालिगण्डकी भेरी र यसका सहायक नदीहरु तथा गण्डकी प्रदेश, लुम्बिनी प्रदेश, कर्णाली प्रदेश र सुदूरपश्चिम प्रदेशका मध्यपहाडी, तराई र चुरेको भूभाग भई बग्ने साना नदीहरुमा बहाव उल्लेख्य रुपमा बढ्ने र केहीमा आकस्मिक वहाव बढी सकर्तकता आसपास पुग्ने महाशाखाद्धारा जारी सूचनामा भनिएको छ ।