हामी सबैकाे संसारन्यूज

२ असार, काठमाडौं । सरकारले कर तिर्ने म्याद असार २५ गतेसम्म बढाएको छ । बुधबार आन्तरिक राजश्व विभागले एक सूचना प्रकाशित गर्दै म्याद थप गरिएको जानकारी दिएको हो ।

विभागले प्रकाशित गरेको सूचना अनुसार २०७७ साल चैत्र र २०७८ साल वैशाख महिनाकाे मासिक तथा २०७७ साल चैत्र र २०७८ साल वैशाख महिनाको द्वैमासिक मुल्य अभिबृद्धि कर विवरण र कर रकम २०७८ असार २५ गतेसम्म बुझाइसक्नु पर्नेछ ।

त्यस्तै विभागले २०७७ साल चैत्र र २०७८ साल वैशाख महिनाको बुझाउनु पर्ने अग्रिम कर कट्टि रकम र सोको विवरण पनि २५ असारसम्म बुझाउन भनेको छ ।

यसका अलवा चैत्र र वैशाख महिनाको अन्त शुल्क, शिक्षा सेवा शुल्क, टेलिफोन स्वामित्व शुल्क र दुर सञ्चार सेवा दस्तुर पनि असार २५ सम्म बुझउने गरि म्याद थपिएको छ ।

हेर्नुहोस बिभागको सूचना