हामी सबैकाे संसारन्यूज

असार ३, काठमाडौं । पुष्पलाल मित्रता केन्द्रले प्रधानमन्त्री केपी शर्मा ओली र राष्ट्रपति विद्यादेवी भण्डारी संविधान मास्ने ध्याउन्नमा रहेको बताएको छ । केन्द्रले तेस्रो बैठकको प्रस्ताव सार्वजनिक गर्दै यस्तो ठहर गरेको हो ।

केन्द्रका अध्यक्ष जगन्नाथ खतिवडाको अध्यक्षतामा भर्चुअल रूपमा बसेको बैठकले केपी ओलीले पार्टी सत्ता र राज्यसत्ताको दुरुपयोग गर्दै लोकतन्त्र,संविधान र राजनीतिक प्रणाली नै धरापमा पारेको बताएकाे छ ।

“आज पार्टी सत्ता र राज्यसत्ताको दुरुपयोग गरेका कारणले लोकतन्त्र, संविधान, कानुन र समग्र राजनीतिक प्रणाली नै धरापमा परेको छ । साथै कम्युनिष्ट आन्दोलनप्रति पनि वितृष्णा बढिरहेको अनुभूति भएको छ । दुई दुईपटक असंवैधानिक तरिकाले प्रतिनिधिसभाको भंग गर्ने, राष्टपति र प्रधानमन्त्रीको मिलोमतोमा संविधानको चीरहरण गर्ने, सम्पूर्ण संबैधानिक निकाय कब्जा गर्ने, सबै कानुनी मर्यादाहरु नाघेर मन्त्रीमण्डल विस्तार गर्ने असंवैधानिक काम प्रधानमन्त्रीबाट भइरहेको छ । समग्रमा प्रणालीलाई नै ध्वस्त गर्ने चाहना देखिएकोले यो बैठक, उक्त प्रतिगामी र असंवैधानिक कदमको घोर निन्दा एवं भ्रत्सना गर्न गर्दछ र देशका प्रधानमन्त्रीलाई प्रतिगमनकारी कार्य गर्नवाट पछि हट्नको लागि आह्वान गर्छ,” केन्द्रले विज्ञप्तिमार्फत् भनेको छ ।

यस्तो छ केन्द्रले सार्वजनिक गरेको प्रस्ताव