हामी सबैकाे संसारन्यूज

असार ३, काठमाडौं । चीनका अरबपति तथा अलीबाबाका संस्थापक ज्याक मा पछिल्लो समय फरक घटनाको कारण चर्चामा छन् । चीन सरकारले कारबाही गरेसँगै मौन रहेका उनी पछिल्लो समय भने शौखहरु पुरा गर्ने बाटोमा लागेका छन् ।

ज्याक माका सहयोगी जोसेफ त्साईले सञ्चार माध्यमलाई बताएअनुसार उनी व्यवसायीक गतिविधिलाई पुरै छाडिदिएका छन् । ‘जैक साधारण जीवन जिईरहेका छन् । म उनीसँग नियमित कुराकानीमा छु । उनी आफ्नो शोखिन काममा व्यस्त छन् । ज्याक पेटिङ्गमा व्यस्त छन् ।’

गत वर्ष चीन सरकारले ज्याकमालाई कम्पनीको पदको दुरुपयोग गरेको आरोपमा कारबाही गरेको थियो । जससँगै उनले अलीबाबाको अध्यक्ष र सिइओबाट राजीनामा दिएका थिए । उनी अहिले आफ्नो शोख पुरा गर्ने र परोपकारी काममा केन्द्रित छन् ।

ज्याक माले शंघाई शिख सम्मेलनका क्रममा चीनको वित्तिय नियामक प्रणालीबारे आलोचना गरेका थिए । सरकारको वित्तिय नियामक प्रणालीको आलोचना गरेको कारण सरकारले उनीमाथि कारबाही अगाडि बढाएको थियो । एजेन्सीबाट