Sansar News
४ असार, काठमाडौं । बागमती प्रदेशमा बिहीबार थप ९ जना कोरोना संक्रमितको मृत्यु भएको छ ।
प्रदेशको सामाजिक विकास मन्त्रालयका अनुसार बिहीबार ललितपुरका ४ जनासहित ९ जना कोरोना संक्रमितको मृत्यु भएको हो ।
बिहीबार ललितपुरका ७५ र ७२ वर्षीय दुई पुरुष र ७५ र ६१ वर्षीया २ महिला गरी ४ जना, काठमाडौंकी ५२ वर्षीया महिला तथा चितवन, धादिङ, मकवानपुर र सिन्धुलीका १/१ जना गरी ३ महिला र ६ पुरुष गरी ९ जनाको मृत्यु भएको हो ।
त्यसैगरी प्रदेशमा पिसीआर ऐन्टिजेन विधिबार गरिएको ५२४२ नमुना परीक्षणमा बिहीबार १०१७ जना नयाँ संक्रमित थपिएका हुन् ।
बिहीबार थपिएका १०१७ जनासँगै प्रदेशमा हालसम्म संक्रमित हुनेको संख्या ३ लाख ३० हजार ७८१ पुगेको छ । ती मध्ये ३ लाख १२ हजार ८७५ जना निको भइसकेका छन् भने ३,५७१ जनाको मृत्यु भएको छ । हाल प्रदेशमा १४,७२२ जना सक्रिय संक्रमित रहेका छन् ।
त्यसैगरी प्रदेशका विभिन्न अस्पतालका आइसीयुमा ३८८ र भेन्टिलेटरमा १५८ जनाको उपचार भइरहेको पनि मन्त्रालयद्धारा जारी विवरणमा उल्लेखछ ।
वागमती प्रदेशमा चितवनका ८ सहित थप १९ कोरोना संक्रमितको मृत्यु
वि.सं.२०७८ असार ४ शुक्रवार ०९:२४ मा प्रकाशित
