Sansar News
६ असार, काठमाडौं । बागमती प्रदेशमा काठमाडौंका ६ सहित थप १३ जना कोरोना संक्रमितको मृत्यु भएको छ ।
प्रदेशको सामाजिक विकास मन्त्रालयका अनुसार शनिबार काठमाडौंका ५०, ४८, ५१ र ७३ वर्षीय ४ पुरुष तथा ४७ र ७६ वर्षीया २ महिला गरी ६ जना संक्रमितको मृत्यु भएको हो ।
त्यसैगरी ललितपुरका ३८ वर्षीय पुरुष तथा ७३ र ७६ वर्षीया २ महिला गरी तीनजना, भक्तपुरका ६४ र ३० वर्षीय २ पुरुष तथा धादिङ र नुवाकोटका १÷१ जना गरी १३ जनाको मृत्यु भएको हो ।
शनिबार थपिएका १३ जनासहित प्रदेशमा संक्रमणबाट ज्यान गुमाउनेको संख्या ३५९९ पुगेको छ ।
त्यस्तै प्रदेशमा शनिबार ६५९ जना नयाँ संक्रमित थपिएका छन् । नयाँ पुष्टि भएकामा सबैभन्दा बढी काठमाडौं, ललितपुर र मकवानपुर रहेको मन्त्रालयको विवरणमा उल्लेख छ ।
त्यसैगरी प्रदेशमा हालसम्म ३ लाख ३२ हजार ४८२ जनामा कोरोना संक्रमण देखिएको छ भने सोहि अवधिमा ३ लाख १५ हजार ७५५ जना निको भएका छन् । हाल प्रदेशमा १३ हजार ५६८ जना सक्रिय संक्रमित रहेका छन् ।
वि.सं.२०७८ असार ६ आइतवार ०९:२६ मा प्रकाशित
