हामी सबैकाे संसारन्यूज

असार ७, काठमाडौं । उप्रधानमन्त्रीसमेत रहेका जसपा नेता राजेन्द्र महतोलाई नै प्रवेश निषेध भन्दै सिंहदरबारमा सूचना टाँस गरिएको छ । नयाँ पार्टी नेपाल नामको दलले नेपाली नागरिक भएको प्रमाण देखाउन माग गर्दै प्रवेश निषेधको सूचना टाँस गरेको हो ।

नयाँ पार्टीले प्रवेश निषेधको सूचना सिंहदरबारको प्रवेश गेटमै टाँसेको छ । नयाँ पार्टीले महतो भारतीय भएको भन्दै सिंहदरबारसहित क्रमशः अन्य क्षेत्रमा पनि प्रवेश निषेध गरिने चेतावनी दिएको छ ।

‘नयाँ पार्टी नेपालले दिएको समयसिमा भित्र आफू नेपाली नागरिक हुँ भन्ने प्रमाण देखाउन नसक्ने कथित भारतीय नागरिक राजेन्द्र सुडी महतोलाई हालको लागि सिंहदरबार क्षेत्रमा प्रवेश निषेध गरिएको छ, क्रमश, देशभरि नै प्रवेश निषेध गरिनेछ’ टाँसिएको पत्रमा भनिएको छ ।

महतोको नागरिकताको विषयमा निकै विवाद छ । पटक–पटक उनको नागरिकता छानबिन हुनुपर्ने माग उठेपनि सरकारले छानबिन प्रक्रिया अगाडि बढाउन सकेको छैन् ।