Sansar News
९ असार, दिल्ली । भारतको मुम्बईको एक अस्पतालमा उपचाररत एक व्यक्तिको मुसाले आँखा खाएदिएपछि हंगामा भएको छ ।
मुम्बई बृहनमुम्बई महानगरपालिकाको राजावाडी अस्पतालकोआइसीयुको भेन्टिलेटरमा राखेर उपचार गराइरहेका २४ वर्षीय श्रीनिवास यल्लपा नामका व्यक्तिको आँखा मुसाले खाइदिएको हो ।
स्वास प्रश्वासमा समस्या भएका कारण भेन्टिलेटरमा राखेर उपचार गरिएका उनको मंगलबार आँखाबाट रगत बगिरहेको उनका आफन्तले देखेपछि अस्पताल प्रशासनमा खबर गरेका थिए । तत्कालै डाक्टरहरुले उनको आँखा जाँच गर्ने क्रममा मुसाले उनको आँखाको बाहिरी भागमा टोकिदिएको तर आँखाको ज्योतीमा भने कुनै समस्या नरहेको बताएका थिए ।
मुम्बईका मेयर किशोरी पेडणेकरले पूरा घटनाको बारमो जानकारी लिँदै कडा कारबाही गरिने आश्वासन दिएको समाचार ऐजेन्सीले जनाएका छन् । उनले वर्षाका कारण ढोकाको चेपबाट मुसा भित्र छिरेको बताए ।
वि.सं.२०७८ असार ९ बुधवार १५:५७ मा प्रकाशित
