हामी सबैकाे संसारन्यूज

१० असार, काठमाडौं । साताको अन्तिम कारोबार दिन बिहीबार नेप्सेमा १६ दशमलब ९६ अंकले गिरावट आएको छ । नेप्सेमा गिरावट आए पनि पर्यटन तथा होटल र जल विद्युत समूहले मनग्ये कमाई गरेका छन् ।

झण्डै १७ अंकले गिरावट आएको नेप्सेमा करिब ७ अर्ब बराबरको कारोबार भएको छ । त्यस्तै ठूला कम्पनीहरुको कारोबार मापक सेन्सेटिभ पनि ३ दशमलव १८ बिन्दुुले घटेर ५२५ दशमलब ६४ बिन्दुमा कायम भएको छ ।

आजको बजार उतारचढावपूर्ण रहेको छ । कारोबार सुरु हुँदा परिसूचक २८ सय ७१ दशमलव ६६बिन्दुमा पुकेको थियो । तर कारोबार बन्दहुँदा समग्र परिसूचक २८४३ दशमलव ०१ बिन्दुमा झरेको छ ।

आजको बजारमा कूल सूचिकृतमध्ये २१९ कम्पनीको कारोबार भएको छ । तिनीहरुमध्ये २७ कम्पनीका लगानीकर्ताले कमाउँदा १४७ कम्पनीका लगानीकर्ताले गुमाएका छन् । त्यस्तै ९ कम्पनीको सूचकमा कूनै पनि परिवर्तन भएको छैन ।

आज सबैभन्दा धेरै कमाउनेमा अपर तामाकोशीका लगानीकर्ता रहेका छन् भने नाग्दी ग्रुप अफ पावरका लगानीकर्ताहरु धेरै गुमाउनेमा परेका छन् ।