हामी सबैकाे संसारन्यूज

११ असार, काठमाडौँ । नेको इन्स्योरेन्स कम्पनीको आव २०७६/०७७ को बार्षिक साधारणसभा असार ३१ हुने भएको छ । बिहिबार बसेको सञ्चालक समितिको बैठकले साधारणसभा असार ३१ गते ज्ञानेश्वरको भवनमा भर्चुअल माध्यमबाट गर्ने निणर्य लिएको हो ।

आर्थिक वर्ष २०७६/२०७७ को मुनाफाबाट १५.५ प्रतिशत बोनस शेयर र बोनस शेयरमा लाग्ने कर प्रयोजनका लागि ०.८२ प्रतिशत नगद लाभांस पारित गर्न साधारणसभामा पेश गरिने भएको छ ।

हाल कम्पनीको चुक्ता पूँजी एक अर्ब ३१ करोड रुपैयाँ रहेको छ । कम्पनीले घोषणा गरेको २० करोड ४२ लाख रुपैयाँको बोनस शेयर वितरण पछि चुक्ता पूँजी एक अर्ब ५२ करोड रुपैयाँ पुग्नेछ ।

बैठकले बुक क्लोजको मिति तय गरेको छ । जस अनुसार साधारणसभा योजनका लागि असार १८ गतेदेखि ३१ गतेसम्म बुक क्लोज हुनेछ । नेप्सेमा भएको कारोबारको आधारमा असार १७ गतेसम्म कायम रहेका शेयर धनीले मात्र प्रस्तावित बोनस शेयर प्राप्त गर्न तथा आगामी साधारणसभामा भाग लिन पाउनेछन् ।