हामी सबैकाे संसारन्यूज

१५ असार, काठमाडौँ । तीन दिन सिभिल बैंकको एटिएम सेवा अवरुद्द हुने भएको छ । बैंकले सूचना जारी गर्दै एटिएम स्विच अपग्रेड गर्न लागेकोले ३ दिन एटिएम सेवा बन्द हुने जनाएको छ ।

बैंकको एटिएम स्विच स्तरोन्नति गर्न लागिएकोले २०७८ आषाढ १६ गते, साँझ ५:०० बजे देखि २०७८ आषाढ १८ गते बिहान ५:०० बजे सम्म एटिएम सेवा (पीओएस सेवा समेत) पूर्ण रुपले बन्द हुने र सो मिति पश्चात एटिएम टर्मिनलहरु पनि क्रमबद्ध रुपमा माइग्रेसन गर्नुपर्ने भएकोले २०७८ आषाढ १८ गते देखि २०७८ आषाढ मसान्तसम्म एटिएम टर्मिनलहरु अवरुद्ध हुन सक्ने बैंकले जनाएको छ ।

सो अवधिमा बैंकको एटिएम कार्ड हिमालयन बैंक लिमिटेडको एटिएम टर्मिनलहरुबाट निर्वाध रुपमा निःशुल्क प्रयोग गर्न सकिने बैंकले जनाएको छ । अन्य स्वदेशी वित्तीय संस्थाहरुको एटिएम टर्मिनलहरुबाट पनि उक्त सेवा बढीमा चारपटक सम्म निःशुल्क उपभोग गर्न सकिने बैंकले जानकारी गराएको छ ।