हामी सबैकाे संसारन्यूज

असार १९, काठमाडाैं । नेकपा (एमाले)ले आगामी साउन २५ गते पार्टी विधान सम्मेलन गर्ने निर्णय गरेकाे छ । शनिबार बसेकाे केन्द्रीय कमिटी बैठकले यही असार मसान्तभित्र सदस्यता नविकरण गर्ने र आगामी साउन २५ गते पार्टी विधान सम्मेलन गर्ने निर्णय गरेको हाे ।

प्रधानमन्त्रीको सरकारी निवास बालुवाटारमा जारी बैठकमा महासचिव ईश्वर पोखरेलद्वारा प्रस्तुत प्रस्तावमा सो निर्णय भएको केन्द्रीय सदस्य महेश बस्नेतले जानकारी दिए । उनका अनुसार साउन ५ गतेसम्म केन्द्रमा सदस्यता विवरण पठाउने, भाद्र ५ गते पार्टीको वडा अधिवेशन सम्पन्न गर्ने निर्णय पनि बैठकले गरेको छ ।

बैठकले आगामी भदौ १५ गते पार्टीको पालिकास्तरको अधिवेशन सम्पन्न गर्ने, पार्टीको केन्द्रीय विभागलाई पूर्णता दिने निर्णय पनि गरेको छ ।