Sansar News
२१ अससार, काठमाडौं । हाल देशैभरी मनसुनी वायुको प्रभाव तथा देशका दक्षिणी भू–भागमा नजिक रहेको मनसुनी न्युन चापीय रेखाको प्रभावका कारण देशका विभिन्न भागमा हल्का मध्यम तथा भारी वर्षा भइरहेको छ ।
मौसम पूर्वानुमान महाशाखाका अनुसार आज दिउँसो प्रदेश १, प्रदेश २, बागमती प्रदेश, गण्डकी प्रदेशका केही स्थानहरुमा हल्कादेखि मध्यम वर्षा तथा प्रदेश १, बाग्मती प्रदेश र गण्डकी प्रदेशका थोरै स्थानहरुमा मेघ गर्जन÷ चट्याङ्ग सहित भारी वर्षाको सम्भावना रहेको छ ।
त्यस्तै राति पनि प्रदेश १, प्रदेश २, बागमती प्रदेश, गण्डकी प्रदेश र लुम्बिनी प्रदेशका धेरै स्थानहरुमा तथा कर्णाली र सुदूरपश्चिम प्रदेशका थोरै स्थानहरुमा हल्का देखि मध्यम वर्षा र प्रदेश १, बाग्मती प्रदेश र गण्डकी प्रदेशका थोरै स्थानहरुमा मेघ गर्जन÷ चट्याङ्ग सहित भारी वर्षाको सम्भावना रहेको महाशाखाले जनाएको छ ।
त्यस्तै बाढी पूर्वानुमान महाशाखाका अनुसार आज नारायणीका स–साना सहायक नदीहरु तथा कन्काई, कमला, बागमती र तिनाउ जलाधारका सहायक नदीहरुमा बहाव केही बढ्ने र केही साना नदीमा आकस्मिक बहाब हुन सक्ने पूर्वानुमान रहेकाले तटीय क्षेत्रका सर्तकर्ता अपनाउन अनुरोध गरिएको छ ।
वि.सं.२०७८ असार २१ सोमवार ०८:४२ मा प्रकाशित
