Sansar News
२१ असार, काठमाडौँ । नेपाल फाइनान्सले ललितपुर फाइनान्सलाई प्राप्ति गरे पश्चात असार २७ गतेदेखि एकिकृत कारोबार गर्ने भएको छ । नेपाल फाइनान्सको नामबाट एकिकृत कारोबार हुन लागेको हो ।
जेठ २८ गते सम्पन्न दुवै फाइनान्सको विशेष साधारणसभाले मर्जर तथा प्राप्ति समबन्धि विशेष प्रस्ताव प्रस्ताव पारित गरेको थियो । राष्ट्र बैंकले असार १५ गते र कम्पनी रजिष्ट्रार कार्यालयले असर १८ गते अन्तिम स्वीकृति प्रदान गरेको थियो ।
एकिकृत कारोबार गर्नको लागि डाटा माईग्रेसन गर्नु पर्ने भएकोले असार २५ गते दिउँसो १२ः३० देखि असार २६ गतेसम्म दुवै संस्थाले प्रदान गर्दै आएका सम्पूर्ण सेवाहरु बन्द हुने कम्पनीले जनाएको छ । नेपाल फाइनान्सले १ः१ को स्वाप रेसियो ललितपुर फाइनान्सलाई गाभेको थियो ।
वि.सं.२०७८ असार २१ सोमवार ११:४४ मा प्रकाशित
