हामी सबैकाे संसारन्यूज

२१ असार, काठमाडौं । गण्डकी प्रदेशमा थप ६ कोरोना संक्रमितको मृत्यु भएको छ ।

प्रदेशको स्वास्थ्य निर्देशनालयका अनुसार पछिल्लो २४ घण्टामा कास्कीका ४, स्याङजा र नवलपरासीपुर्वका १/१ जना गरी ६ जनाको मृत्यु भएको हो । आज थपिएका ६ जनासँगै प्रदेशमा संक्रमणबाट ज्यान गुमाउनेको संख्या ९६७ पुगेको छ ।

त्यसैगरी प्रदेशमा आज मुस्ताङका ३, मनाङका १२, म्याग्दीमा ६, पर्बतमा १३, गोरखामा ५,तनहुँमा २३, लमजुङमा ३२, कास्कीमा ९७, बाग्लुङमा ३१, स्याङजामा ३६ र नवलपरासीपूर्वमा ४४ जना गरी ३०२ जना नयाँ संक्रमित थपिएका छन् । ती मध्ये १३८ जना महिला र १६४ जना पुरुष रहेका छन् । साथै प्रदेशमा आज २१६ जना संक्रमणबाट मुक्त भएका छन् ।

आज थपिएका ३०२ जनासँगै प्रदेशमा हालसम्म ५७ हजार ४१८ जना संक्रमित भएका छन् भने ती मध्ये ५३ हजार ३५० जना निको भएका छन् ।
त्यसैगरी प्रदेशमा हाल ३१०६ जना सक्रिय संक्रमित रहेका छन् । ती मध्ये २८३७ जना होम आइसोलेशनमा रहेका छन् ।