Sansar News
२१ असार, काठमाडौं । नेकपा एमालेको जेठ २ गतेको कार्यदल पुनः ब्यूँत्याईएको छ ।
पार्टी एकता जोगाउन जेठ २ गते गठित कार्यदललाई पुनः ब्यूँत्याईएको हो । सोहि कार्यदलको बैठक सिंहदरबारस्थित अर्थमन्त्रालयमा बसिरहेको बताइएको छ ।
पार्टी एकताका लागि जेठ २ गते गठित उक्त कार्यदलमा प्रधानमन्त्री तथा पार्टीका अध्यक्ष केपी शर्मा ओलीका तर्फबाट सुवास नेम्वाङको संयोजकत्वमा गठित उक्त कार्य दलको सदस्यहरुमा विष्णु पौडेल, प्रदीप ज्ञवाली, शंकर पोखरेल र विष्णु रिमाल रहेका छन् भने वरिष्ठ नेता माधव कुमार नेपालका तर्फबाट कार्यदलमा भिम रावलको संयोजकत्वमा सुरेन्द्र भुसाल, घनश्याम भुसाल, गोकर्ण विष्ट र रघुजी पन्त सदस्य रहेका छन् ।
पार्टी एकताका लागि जेठ २ मा कार्यदल गठन गरिए पनि ६ जेठपछि बस्न नसकेको उक्त कार्यदलको यो बैठक तेस्रो हो ।
आइतबार राति प्रधानमन्त्री ओली र माधवपक्ष कार्यदलका संयोजक भिम रावलवीच भएको टेलिफोन वार्तामा उपाध्यक्ष रावलले कार्यदल व्युँत्याउन सुझाव दिएको बताइएको छ ।
वि.सं.२०७८ असार २१ सोमवार १९:२३ मा प्रकाशित
