Sansar News
२२ असार, पोखरा । गण्डकी प्रदेशमा मंगलबार थप ७ कोरोना संक्रमितको मृत्यु भएको छ ।
प्रदेशको स्वास्थ्य निर्देशनालयका अनुसार पछिल्लो २४ घण्टामा नवलपरासीपूर्वका ३, कास्कीका २, वाग्लुङ र गोरखाका १÷१ जना गरी ७ जनाको मृत्यु भएको हो । आज थपिएका ७ जनासँगै प्रदेशमा संक्रमणबाट ज्यान गुमाउनेको संख्या ९७४ पुगेको छ ।
त्यसैगरी प्रदेशमा आज मनाङका १, म्याग्दीमा ४, पर्बतमा २८, गोरखामा ४८, तनहुँमा ५२, लमजुङमा १९, कास्कीमा १३४, बाग्लुङमा २७, स्याङजामा २० र नवलपरासीपूर्वमा ३३ जना गरी ३६६ जना नयाँ संक्रमित थपिएका छन् । ती मध्ये १७३ जना महिला र १९३ जना पुरुष रहेका छन् । साथै प्रदेशमा आज २८८ जना संक्रमणबाट मुक्त भएका छन् ।
आज थपिएका ३६६ जनासँगै प्रदेशमा हालसम्म ५७ हजार ७८४ जना संक्रमित भएका छन् भने ती मध्ये ५३ हजार ६३९ जना निको भएका छन् ।
त्यसैगरी प्रदेशमा हाल ३१७१ जना सक्रिय संक्रमित रहेका छन् । ती मध्ये २८१६ जना होम आइसोलेशनमा रहेका छन् ।
गण्डकी प्रदेशमा थप ६ कोरोना संक्रमितको मृत्यु, ३०२ जना संक्रमित
वि.सं.२०७८ असार २२ मंगलवार १७:४९ मा प्रकाशित
