Sansar News
२२ असार, काठमाडौं । नेकपा एमालेको कार्यदलको बैठक बुधबार पुनः बस्ने गरी सकिएको छ ।
सिंहदरबारस्थित मन्त्रिपरिषलद्को कार्यालयमा मंगलबार दिउँसो बसेको कार्यदलको बैठकमा अध्यक्ष केपी शर्मा ओली र वरिष्ठ नेता माधव कुमार नेपालवीच उब्जिएका असहमतिका विषयमा व्यापक छलफल गरिएको तथा वैठक सकारात्मक बनेको कार्यदलका सदस्य गोकर्ण विष्टले बताएका छन् ।
विष्टले अहिलेसम्म भएका घटनाक्रमका बारेमा छलफल गर्दै बुधबार बिहान ८ बजे बैठक पुनः बस्ने गरी आजको वैठक अन्त्य गरिएको जानकारी दिएका छन् ।
‘आजको बैठकमा कहाँ कहाँ असहमति छन् भन्ने कुरा राख्यौं । छलफल सकारात्मक छ । भोली फेरि बैठक बस्छौं ।’ बैठकपछि विष्टले भने ।
पार्टीभित्रका समस्याहरु समाधानका लागि जेठ २ गते गठित कार्यदलमा अध्यक्ष केपी शर्मा ओलीका तर्फबाट सुवास नेम्वाङको संयोजकत्वमा विष्णु पौडेल, शङ्कर पोखरेल, विष्णु रिमाल र प्रदीप ज्ञवाली सदस्य रहेका छन् भने माधव नेपाल पक्षबाट भीम रावलको संयोजकत्वमा घनश्याम भुसाल, गोकर्ण विष्ट, सुरेन्द्र पाण्डे र रघुजी पन्त रहेका छन् ।
पार्टीभित्र विवाद चर्कदै गएपछि समस्या समाधानका लागि लागेका नेताहरुले सोमबार कार्यदल व्यूँत्याएर औपचारिक रुपमै छलफल सुरु गरेका छन् । आज बसेको कार्य दलको बैठक चौथो हो ।
एमाले कार्यदलको बैठक चलिरहेको बेला माधवलाई भेट्न किन पुगे प्रचण्ड ?
वि.सं.२०७८ असार २२ मंगलवार १७:१७ मा प्रकाशित
