Sansar News
२२ असार, काठमाडौं । नेपाल आयल निगमले पेट्रोलियम पदार्थको मूल्य फेरि बढाएको छ । असार दोस्रो साता मात्र मूल्य बढाएको निगमले दुई साता पनि नबित्दै मंगलबार फेरि इन्धनको मूल्य बढाएको हो ।
निगमले पेट्रोलको मूल्य प्रतिलिटर २ रुपैयाँले बढाएको छ । मूल्य बृद्धिसँगै पेट्रोलको मूल्य प्रतिलिटर १२९ रुपैयाँ पुर्याएको छ । त्यस्तै डिजेल र मटितेलको मूल्य अब प्रतिलिटर २ रुपैयाँ बढेर ११२ रुपैयाँ पुगेको छ । हवाई इन्धन आन्तरिकतर्फ प्रतिलिटर २ रुपैयाँले बढाएर ८४ रुपैयाँ, हवाई इन्धन (अन्तर्राष्ट्रिय) को प्रतिकिलोलिटर १९ अमेरिकी डलर बढाएर ७४५ डलर पुर्याएको छ ।
खाना पकाउने ग्यासको मूल्य प्रतिसिलिण्डर २५ रुपैयाँ बढाएको छ । मूल्य बृद्धिसँगै १४ सय २५ रुपैयाँ कायम गरिएको छ ।
गत असार १० गते राति १२ बजेदेखि लागू हुनेगरी निगमले पेट्रोलको मूल्य प्रतिलिटर १२७ रुपैयाँ बनाएको थियो । जेठ यतामात्र सरकारले तीन पटक मूल्यवृद्धि गरेको छ । गत जेठ २२ गते निगमले पेट्रोल, डिजेलरमटितेल तथा हवाई इन्धन ९आन्तरिक०को साबिकको बिक्री मूल्यमा प्रतिलिटर २ रुपैयाँले वृद्धि गरेको थियो ।
वि.सं.२०७८ असार २२ मंगलवार २१:२५ मा प्रकाशित
