हामी सबैकाे संसारन्यूज

२३ असार, काठमाडौँ । जीवन विकास लघुवित्त वित्तिय संस्थाले निष्काशन गरेको प्राथमिक शेयर आज बुधवार बाँडफाँड भएको छ । आज भएको बाँडफाँडमा २० लाख १८ हजार ३०१ योग्य आवेदक मध्ये भाग्यमानी १ लाख ८४ हजार ८०१ जनाले शेयर प्राप्त गरेका छन भने सो मध्ये ५ जना भाग्यमानीले ११ कित्ता शेयर पाएका छन् ।

लघुवित्तले गत असार ११ गतेदेखि १५ गतेसम्म प्रतिकित्ता १०० अंकित दरका १९ लाख ७७ हजार ३०० कित्ता साधारण शेयर बिक्री गरेको थियो । निष्काशन गरिएको कुल शेयरमध्ये ९८ हजार ८६५ कित्ता शेयर सामूहिक लगानी कोषका लागि छुट्याइएको हुँदा बाँकी १८ लाख ४८ हजार १५ कित्ता सर्वसाधारणमा बाँडफाँट गरिएको हो ।

लघुवित्तले निष्काशन गरेको शेयरमा कुल २० लाख ८७ हजार ३१७ जनाले ३ करोड १२ लाख ९९ हजार ३४० कित्ताका लागि आवेदन दिएका थिए । जसमध्ये ३ हजार ४७१ जनाको आवेदन रद्द भएको र ६५ हजार ५३८ जनाको आवेदन आस्बाबाट अस्वीकृत भएको क्यापिटलले जनाएको छ ।

प्राथमिक शेयर निष्काशन पछि संस्थाको चुक्ता पूँजी ६० करोड ८४ लाख रुपैयाँ पुगेको छ ।