Sansar News
२३ असार, काठमाडौं । अहिले सांझ ७ बजेदेखि शुरु भएको प्रधानमन्त्री तथा एमाले अध्यक्ष केपी शर्मा ओली र वरिष्ठ नेता माधवकुमार नेपालबीचको वान टु वान भेटवार्तामा राम्रो परिणाम आउने अपेक्षा गरिएको छ ।
केही दिनदेखि ओलीको फोन समेत नउठाएका वरिष्ठ नेता माधव नेपालले ओली गलेको सुइको पाएर मात्र पुनः भेटघाट गरेको माधव समुहका एक उच्च नेताले बताएका छन् ।
यसअघि उपाध्यक्ष भिम रावलसंगको वार्ता लगत्तै कार्यदलको औपचारिक बैठक बसेपनि सहमति हुने आंकलन गरिएको थिएन । माधव पक्षको श्रोतका अनुसार प्रतिगमन सच्याउन र आत्मालोचना गर्न ओली तयार भए माधव समुह जेठ २ को सुत्रमा सहभागी हुने कुरा माधव नेपालले ओलीलाइ प्रष्टाउने छन् ।
ओली निकट एक श्रोतका अनुसार दुवै नेतालाइ मनाउन उपमहासचिव बिष्णु पौडेल पनि मेरियट भित्र छिरेका छन् । वान टु वान बार्ता लगत्तै कार्यदलका सदस्यहरु पनि सहमति जुटाउन लागि परेको बताइएको छ ।
वि.सं.२०७८ असार २३ बुधवार २०:१६ मा प्रकाशित
