Sansar News
२३ असार, पोखरा । गण्डकी प्रदेशमा बुधबार थप २ जना कोरोना संक्रमितको मृत्यु भएको छ ।
प्रदेशको स्वास्थ्य निर्देशनालयका अनुसार पछिल्लो २४ घण्टामा वागलुङ र नवलपरासीपूर्वका १/१ जना गरी २ को मृत्यु भएको हो । आज थपिएका २ जनासँगै प्रदेशमा संक्रमणबाट ज्यान गुमाउनेको संख्या ९७६ पुगेको छ ।
त्यसैगरी प्रदेशमा आज मुस्ताङका २, मनाङका १, म्याग्दीमा २०, पर्बतमा ९, गोरखामा ८, तनहुँमा २०, लमजुङमा ३, कास्कीमा १५३, बाग्लुङमा ११, स्याङजामा १७ र नवलपरासीपूर्वमा ५१ जना गरी २९५ जना नयाँ संक्रमित थपिएका छन् । ती मध्ये १५३ जना महिला र १४२ जना पुरुष रहेका छन् । साथै प्रदेशमा आज २८८ जना संक्रमणबाट मुक्त भएका छन् ।
आज थपिएका ३६६ जनासँगै प्रदेशमा हालसम्म संक्रमित हुनेको संख्या ५८ हजार ७९ जना संक्रमित भएका छन् ।
वि.सं.२०७८ असार २३ बुधवार १८:०४ मा प्रकाशित
