हामी सबैकाे संसारन्यूज

असार २५, काठमाडौं । नेकपा (एमाले)का प्रमुख सचेतक विशाल भट्टराईले वरिष्ठ नेता माधवकुमार नेपाल पार्टी एकताको छलफलमा नभई पदको बारगेनिङ्गमा रहेको आरोप लगाएका छन् । शुक्रबार एक सञ्चार माध्यमसँग कुराकानी गर्दै उनले नेता नेपालले हैसियतभन्दा माथिको पद खोजेको बताए ।

उनका अनुसार माधव नेपालको एकल ढिपीकै कारण पनि पार्टी एकता सफल हुन सकेको छैन् । माधव नेपालले आफुँलाई नसच्याई नहुने भट्टराईको भनाई छ ।

‘माधव नेपालले अहिलेपनि आफूलाई करेक्सन गर्न खोज्नुभएको छैन्, महाधिवेशनमा पराजित हुनुभएका उहाँ दशौं महाधिवेशन म कुर्छु, कार्यकर्ताको विश्वास जित्छु भनेर बस्नुपर्नेमा, जसरी पनि कुर्सी र पद चाहियो भन्दै हुनुहुन्छ’, भट्टराईले भनेका छन्, ‘ जसरी कुर्सीको, पदको बार्गेनिङ गर्दै हुनुहुन्छ, आफ्नो पावरको बार्गेनिङ गर्दै हुनुहुन्छ, कालान्तरमा यसले उहाँलाई ठूलो घाटा हुन्छ ।’

उनका अनुसार विवाद समाधान कार्यदलमा सहभागी माधव पक्षीय नेताहरु नै उनको अडानको विरुद्वमा छन् । उनीहरु पार्टीलाई एकताबद्ध गराउनु पर्ने लाईनमा रहेको उनको भनाई छ ।