Sansar News
२६ असार, काठमाडौँ । नेपाल प्रहरीमा रिक्त रहेको प्रहरी सहायक निरीक्षक(जनपद) पदको लिखित परीक्षाको नतिजा सार्वजनिक गरिएको छ । लोक सेवा आयोगले लिएको गत वर्ष मंसिर १८ देखि २० गतेसम्म लिएको नेपाल प्रहरी सहायक निरीक्षकको लिखित परीक्षाको नतिजा सार्वजनिक भएको हो ।
प्रहरी प्रधान कार्यालय नक्सालद्वारा जारी सूचना अनुसार ५१३ जना अन्तर्वार्ताका लागि छनौट भएका छन् ।
सक्षमता परीक्षण तथा अन्तरवार्तामा सहभागी हुनका लागि विशेष स्वास्थ्य परीक्षणमा उत्र्तीण हुनु पर्ने हुँदा परीक्षामा उत्र्तीण सम्पूर्ण उम्मदेवारहरुलाई साउन ३ गते देखि ५ गतेसम्म नेपाल प्रहरी अस्पताल महाराजगंज काठमाडौँमा विशेष स्वास्थ्य परीक्षण हुनेहुँदा उपस्थित हुन अनुरोध गरिएको छ ।
विशेष स्वास्थ्य परीक्षणमा उत्तीर्ण भएका उम्मेदवारहरूको साउन १३ गते प्रहरी प्रधान कार्यालय नक्सालमा पाँचौँ चरण अन्तर्गतको सक्षमता परीक्षण तथा अन्तरवार्ता परीक्षा सञ्चालन हुने जनाइएको छ ।
वि.सं.२०७८ असार २६ शनिवार १४:३३ मा प्रकाशित
