Sansar News
२८ असार, पोखरा । गण्डकी प्रदेशमा सोमबार थप १ कोरोना संक्रमितको मृत्यु भएको छ ।
प्रदेशको स्वास्थ्य निर्देशनालयका अनुसार पछिल्लो २४ घण्टामा नवलपरासी पूर्व कावासोती नगरपालिका ८ का ९३ वर्षीया महिलाको मृत्यु भएको हो । आज थपिएका १ जनासँगै प्रदेशमा हालसम्म संक्रमणबाट ज्यान गुमाउनेको संख्या १००२ पुगेको छ ।
त्यसैगरी प्रदेशमा आज म्याग्दीमा २६, पर्बतमा १७, गोरखामा ३१, तनहुँमा २२, कास्कीमा ११२, वागलुङमा १९, स्याङजामा १८ र नवलपरासीपूर्वमा ३२ जना गरी २७७ जना नयाँ संक्रमित थपिएका छन् । ती मध्ये १३३ जना महिला र १४४ जना पुरुष रहेका छन् । साथै आज प्रदेशमा ४२६ जना निको भएका छन् ।
आज थपिएका २७७ जनासँगै प्रदेशमा हालसम्म ५९ हजार ४४१ जनामा कोरोना संक्रमण पुष्टि भएको छ भने ती मध्ये ५५ हजार ६९८ जना निको भइसकेका छन् ।
प्रदेशमा हाल २७४१ सक्रिय संक्रमित रहेका छन् । ती मध्ये होम आइसोलेशनमा २५१६ जना रहेका छन् भने अन्यको विभिन्न अस्पताल तथा संस्थागत आइसोलेशनमा उपचार भइरहेको निर्देशनालयले जनाएको छ ।
गण्डकी प्रदेशमा आज ७ जनाको मृत्यु, ४१० जना संक्रमित, आज कुन जिल्लामा कति थपिए त ?
वि.सं.२०७८ असार २८ सोमवार १७:४० मा प्रकाशित
