Sansar News
२८ असार, काठमाडौँ । पूर्वप्रधानमन्त्री तथा नेकपा एमालेका वरीष्ठ नेता माधवकुमार नेपालले मिशन पुरा भएको भन्दै विपक्षी गठबन्धनमा नरहने संकेत गरेका छन् ।
विपक्षी गठबन्धनको आज उनकै निवास कोटेश्वरमा बसेको बैठकमा नेता नेपालले नेपाली काँग्रेसका सभापति शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल प्रचण्डसँग उक्त कुराको संकेत गरेका हुन् ।
नेपाली जनताको लोकतन्त्रप्रतिको निष्ठा र आन्दोलित मनस्थिति एवम् सर्वोच्च अदालतको आजको निर्णयले संसद पुनस्र्थापना भएको भन्दै उनले सो हदसम्म आफू गठबन्धनमा सामेल रहेको स्पष्ट पारेका छन् । माधव निकट एक नेताका अनुसार जब लोकतन्त्र खतरामा हुन्छ, व्यक्तिगत स्वार्थ गौण हुन्छ । जब लोकतन्त्र सुरक्षित हुन्छ, तब स्वच्छ प्रतिस्पर्धा हुन्छ, भन्दै माधवले एमाले भित्रको एकतालाई पनि उत्तिकै ध्यान दिनु पर्ने बताएका छन् ।
वि.सं.२०७८ असार २८ सोमवार १९:५५ मा प्रकाशित
