हामी सबैकाे संसारन्यूज

२९ असार, बुटवल । खेमलाल जोशी शर्मा र अर्जुन पौडेल लुम्बिनी प्रदेशको उत्कृष्ट शिक्षकका रुपमा सम्मानित एवं पुरस्कृत भएका छन् ।

लुम्बिनी प्रदेशको शिक्षा तथा सामाजिक विकास मन्त्रालयको सामाजिक विकास डिभीजन कार्यालयले असार २७ गते गरेको घोषणामा महाकवि देवकोटा मावि सुनवलका शिक्षक खेमलाल शर्मा जोशी र नवजीवन मावि बर्दघाटका शिक्षक अर्जुन पौडेल पुरस्कृत तथा सम्मानित भएका छन् ।

सो डिभिजनको असार १५ गते भएको निर्णय अनुसार विद्यालयतर्फ कान्ति मावि वुटवल र महाकवि देवकोटा मावि सुनवललाई उत्कृष्ट घोषणा गरिएको छ । घोषित शिक्षक र विद्यालयलाई आजै पुरस्कार तथा सम्मान दिइएको छ ।