Sansar News
असार २९, काठमाडौं । नेकपा माओवादी केन्द्रले जनार्दन शर्मा प्रभाकर र पम्फा भुसाललाई मन्त्री बनाउने भएको छ ।
प्रधानमन्त्री शेरबहादुर देउवासँग छलफलपश्चात माओवादी केन्द्रका अध्यक्ष पुष्पकमल दाहाल ‘प्रचण्ड’ले पहिलो चरणमा शर्मा र भुसाललाई मन्त्रीको लागि सिफारिस गरेका हुन् ।
उनीहरूले आजै साँझ पद तथा गोपनियताको शपथ लिनेछन्। दुई नेता पहिलो चरणमा सरकारमा सहभागी हुने निश्चित भएपनि मन्त्रालय भने टुंगो लाग्न बाँकी रहेको बताइएको छ ।
बताइएअनुसार अन्य मन्त्रीहरूको टुंगो दोस्रो चरणको विस्तारअघि लगाइनेछ ।
वि.सं.२०७८ असार २९ मंगलवार १८:०५ मा प्रकाशित
