Sansar News
२९ असार, काठमाडौँ । नेपाली काँग्रेसका सभापति तथा नवनियुक्त प्रधानमन्त्री शेरबहादुर देउवाले विज्ञप्ति नसच्चिएसम्म शपथ नलिने भएका छन् ।
प्रधानमन्त्री देउवाले मुख्यसचिव शंकरदास वैरागीलाई बूढानीलकण्ठस्थित आफ्नै निवासमा बोलाएर प्रधानमन्त्री नियुक्ती नसच्चिएसम्म सपथ ग्रहण नहुने जानकारी गराएका छन् । राष्ट्रपतिले आज प्रधानमन्त्री नियुक्त गर्दा संविधानको धारा नै उल्लेख नगरी विज्ञप्ति जारी गरेपछि देउवाले आपत्ति जनाएका हुन् ।
कानुनविद्हरुले पनि देउवालाई संविधानको धारा नै उल्लेख नगरी गरिएको प्रधानमन्त्री नियुक्तको शपथ ग्रहण नगर्न सुझाव दिएका थिए । सर्वोच्च अदालतले संविधानको धारा ७६ को उपधारा ५ अनुसार प्रधानमन्त्रीमा नियुक्ति गर्न आदेश दिए पनि राष्ट्रपति कार्यालयले देउवालाई ‘सर्वोच्च अदालतको फैसलाअनुसार प्रधानमन्त्रीमा नियुक्त गरिएको’ विज्ञप्ति जारी गरेको छ ।
मुख्य सचिव वैरागी देउवाको सन्देश लिएर शितल निवास फर्किएका छन् ।
दिउँसो प्रधानमन्त्रीमा नियुक्त भएका देउवाले साँझ शपथ ग्रहण गर्ने त्यसलगत्तै अन्य मन्त्रीहरुको शपथ ग्रहण कार्यक्रम थियो ।
देउवाको नियुक्ती संविधानको कुन धाराअनुसार ? शितल निवासको अनोठौ विज्ञप्ती
वि.सं.२०७८ असार २९ मंगलवार १८:५४ मा प्रकाशित
