हामी सबैकाे संसारन्यूज

२९ असार, काठमाडौं । नेपाली कांग्रेसका प्रवक्ता विश्व प्रकाश शर्माले राष्ट्रपति विद्यादेवी भण्डारीलाई विज्ञप्ति सच्याउन आग्रह गरेका छन् ।

राष्ट्रपति भण्डारीद्धारा कांग्रेस सभापति शेर बहादुर देउवालाई प्रधानमन्त्री नियुक्ति गरिएको भन्दै जारी विज्ञप्तिमा संविधानको धारा उल्लेख नगरी सर्वोच्च अदालतको फैसला अनुसार प्रधानमन्त्रीमा नियुक्ति गरिएको उल्लेख गरिएपछि सभापति देउवाले त्यसलाई नसच्याएसम्म प्रधानमन्त्री पदको सपथ ग्रहण नगर्ने बताएपछि प्रवक्ता शर्माले यस्तो आग्रह गरेका हुन् ।

अब थोरै सच्चिएरै सहकार्य गरौं सम्माननिय रास्ट्रपतिज्यु l पत्र सच्चिने´को कुरा मात्रै होइन प्रवृत्ति सच्चिने प्रधान कुरा हो !

सर्वोच्च फैसलाले `सरकार बदल्न´ मात्र होइन,
यहाँ `संरक्षकलाई बदलिन´ समेत आदेश दिएको बिषयलाई विनम्रसँग आत्मसात गरौं l जय नेपाल l pic.twitter.com/izpI8lFrVN

— Bishwa Prakash शर्मा (@bishwaprakash77) July 13, 2021

प्रवक्ता शर्माले पत्र सच्चिनेको कुरा मात्रै नभएर प्रवृत्ति सच्चिने प्रधान कुरा रहेको बताउँदै सामाजिक संजाल ट्विटरमा भनेका छन्– अब थोरै सच्चिएरै सहकार्य गरौं सम्माननिय रास्ट्रपतिज्यू । पत्र सच्चिनेको कुरा मात्रै होइन प्रवृत्ति सच्चिने प्रधान कुरा हो ! सर्वोच्च फैसलाले सरकार बदल्न मात्र होइन, यहाँ संरक्षकलाई बदलिन समेत आदेश दिएको बिषयलाई विनम्रसँग आत्मसात गरौं । जय नेपाल ।’