हामी सबैकाे संसारन्यूज

३० असार, काठमाडौं । कोरोना भाइरसविरुद्धको खोप कसले लगाउने हुने र कसले नलगाउने भन्ने बारेमा अन्यौल भइरहेको अवस्थामा स्वास्थ्य मन्त्रालयले यस्ता खाले गम्भीर प्रकृतिका रोग भएका विरामीहरुले लगाउन नहुने जनाएको छ ।

मन्त्रालयद्धारा जारी सूचना अनुसार १८ वर्षभन्दा कम उमेरका व्यक्ति, खोपको पहिलो मात्रा लगाएपछि एनाफाइलेक्सिस प्रतिक्रिया (गम्भीर एलर्जी) भएका व्यक्ति, खोपको कुनै तत्वबाट गम्भीर प्रकारको प्रतिक्रिया वा एनाफाइलेक्सिस भएका व्यक्तिहरु, पहिला अन्य कुनै खोप, सुई, औषधि वा खानेकुराबाट गम्भीर प्रकारको प्रतिक्रिया देखिएका व्यक्ति, हाल गम्भीर विरामी भएको वा उच्च ज्वरो आएका व्यक्तिहरुले निको नहुन्जेल, कोभिड १९ को लागि monoclonal antibodies वा convalescent plasma  उपचार विधि अपनाएकाले कम्तिमा ९० दिनपछि खोप लगाउन मिल्ने तथा कोरोना संक्रमितले संक्रमणमुक्त भएको ३० दिनपछि मात्र खोप लगाउन मिल्नेछ ।

मन्त्रालयले यस्ता समस्या बाहेक सबैले आफ्नो पालो आउँदा खोप लगाउनु पर्ने र खोप लगाउनुअघि आफ्नो रोग र आफूले सेवन गरिरहेको औषधिको बारेमा स्वास्थ्यकर्मीलाई जानकारी गराउन पनि मन्त्रालयले अनुरोध गरेको छ ।